Accessibility links

Labari da Dumi-Duminsa

Jihar Neja Na Asarar Naira Miliyan 200 Duk Wata Kan Ma’aikatan Bogi


Gwamnan Jihar Neja Abubakar Sani Bello

Gwamnatin jihar Neja ta bayyana cewar tana tabka asarar kudi kimanin Naira miliyan 200 a duk kowane karshen wata a sakamakon Ma’aikatan Bogi da sukayi katutu a jihar.

Shugaban Hukumar kula da harkokin ma’aikata a jihar Neja, Alhaji shehu Galadima, ya ce matsalar cuwa-cuwa a bangaren ma’aikatan gwamnati na karuwa. Ya kuma bayyana cewa yanzu haka wata kotu ta samu wasu ma’aikata biyu da laifin buga takardun bogi, wadanda aka yanke musu hukuncin daurin shekaru takwas a gidan Yari.

Kungiyar kwadagon jihar Neja ta tabbatar da cewa ta bankado kimanin ma’aikatan bogi dubu a lokacin da gwamnan jihar ya sa su cikin wani kwamitin tantance ma’aikatan bogi da har yanzu ba a bayyana rahotonsa ba.

Shugaban kungiyar kwadago kwamarad Yahaya Idris Ndako, ya ce anasu binciken gwamnatin jihar Neja na asarar kimanin Naira Miliyan 266 a duk karshen wata a sakamakon ma’aikatan bogi.

Wannan bayani dai yayi matukar tayar da hankalin jama’a a jihar ta Neja, Alhaji Umma kolo, dake zaman daraktan harkokin matasa ya ce lamarin na da tayar da hankali dan haka akwai bukatar daukar mataki.

Domin karin bayani saurari rahotan Mustapha Nasiru Batsari.

please wait

No media source currently available

0:00 0:02:48 0:00

Facebook Forum

XS
SM
MD
LG