Kotun daukaka kara ta 9 dake San Francisco, ba tare da wata hamayya ba, ta yanke hukuncin jiya litinin akan dokar ta Trump, a bisa dalilin cewa shugaban ya wuce gona da iri wajen amfani da karfin ikonsa da kundin tsarin ya ba shi a lokacin da ya sanyawa dokar hannu ranar 2 ga watan Maris.
Kotun mai alkalai guda uku ta ce yayin da dokar shigi-da-fice ta kasa, ta shekarar 1952 ta ba shugaban kasa ikon sa ido akan masu shiga Amurka da kuma tsaron kasar, “batun shige da fice ba aikin mutum daya bane, koda kuwa shugaban kasa ne.”
Wannan hukuncin na jiya Litinin ya kara karfafa hukuncin da wata kotun daukaka kara ta jihar Virginia ta yanke, wadda ita ma ta goyi bayan hukuncin da wani alkali a jihar Maryland ya yanke na takawa wasu bangarorin dokar burki.
Facebook Forum