Accessibility links

Labari da Dumi-Duminsa

Limaman Musulunci Na Kasashen Sahel Sun Kammala Taro Kan Tsaro A Abuja


Taron Majalisar Malamai na kasashen Sahel

Majalisar limaman Islama ta yankin Sahel a Afirka wato Rabidatul Islam Fi Biladi Sahel ta kammala taro kan lamuran tsaro a Abuja, babban birnin Najeriya da ganawa ta musamman da kungiyar JIBWIS.

Tawagar malaman da ta kai mutum 50 ta yi zama na musamman na bita kan lamuran magance kalubalen tsaro da hukumar sirri ta Najeriya.

Malaman wadanda su ka hada da kwararru kan yaki da ta’addanci, sun nuna gamsuwa ga irin nasarar da a ka samu ta bitar da za ta taimaka wajen cusa akida mai kyau ga matasa da kan tsinci kansu a rudin miyagun iri wajen aukawa ta’addanci da sunan yada addinin musulunci.

KUNGIYAR MUSULMAI
KUNGIYAR MUSULMAI

Shugaban majalisar Dr. Abubakar Walar daga Chadi da sakataren ta Lakhamisi Bazzaz daga Aljeriya sun cirawa Izala hula don yanda ta kan yi amfani da wa’azi da bude makarantu don koyar da akidar musulunci daga koyarwar magabata.

Hakanan jagororin na Rabida ta Sahel sun nuna matukar farin ciki ga labarin aikin gina jami’a mai suna Assalam da JIBWIS ke yi a Hadeja jihar Jigawa; ba ya ga kafa manyan kafafen labaru na wa’azantarwa Manara TV da Manara Rediyo.

Da ya ke maraba da bakin shugaban JIBWIS Sheikh Abdullahi Bala Lau da shugaban majalisar malamai Dr. Ibrahim Jalo Jalingo ya wakilta, ya ce da irin wannan tattaunawa za a rika gano bakin zaren rigakafin fitina tun kafin ta girma.

Najeriya na fama da fitinar ta’addancin ‘yan Boko Haram da kan fake da sunan addini tun 2009 amma su kan buge da kisan gilla ga wadanda ba su yi musu laifin komai ba.

Yanzu kuma ga sabuwar fitina da ke tinkarowa ta kabilanci da addinin musulunci ya haramta.

Saurari cikakken rahoton cikin sauti:

please wait

No media source currently available

0:00 0:02:43 0:00

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG