Accessibility links

Labari da Dumi-Duminsa

Manoma A Jihar Neja Sun Koka Da Rashin Hukunta Masu Sayar Da Jebun Taki.


Manoma A Jamhuriyar Nijar

Kungiyar manoman jihar Neja ta ce ta damu da rashin hukunta masu saida takin zamani na jabu to amma Gwamnatin Nejan ta ce ta dauki mataki kuma yanzu ma babu jabun takin a jihar.

Jebun takin zamani na ci gaba da zama babbar barazana a bangarori dabam-dabam a Najeriya lamarin da ke kawo cikas wajen samar da amfanin gona kamar yadda ya kamata.

Kungiyar manoma a Neja sun koka game da rashin hukunta duk wanda aka samu yana sayar da jebun taki.

"Gaskiya idan ba a dauki mataki ba to akwai matsala," inji shugaban kungiyar manoman, Alhaji Shehu Galadima.

To sai dai Gwamnatin jihar Neja ta ce tana daukar matakin dakile duk wata cuwa-cuwar takin da kawar da masu sayar da jebun taki.

Kwamishinan gona na jihar, Alhaji Haruna Nuhu Dukku, ya musanta cewa ana samun taki na jabu don a cewarsa, gwamnatin jihar ta samar da tsari mai kyau da kamfanin taki ta yadda ba takin da ke barin kamfani zuwa kanana hukumomi sai an raka da jami'an tsaro har sai an kai an sauke.

A karshen makon da ya gabata, an yi ta yayata labarin samun katafaren masana'antar da ke hada taki na jabu a cikin garin Minna, amma kwamishinan ya ce labarin kanzon kurege ne.

please wait

No media source currently available

0:00 0:02:44 0:00

Facebook Forum

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG