Accessibility links

Labari da Dumi-Duminsa

Matsayin Kawayen Amurka Na Kasashen Turai Ya Banbanta Da Bayanin Israila Akan Iran


Firayim Ministan Israila Benjamin Netanyahu yayinda yake gabatar da wani rahoton nunawa duniya cewa Iran ta yi karya dangane da shirin nukiliyarta

Kawayen Amurka a kasashen Turai basu amince da bayanan da Firayim Ministan Israila Benjamen Netanyahu ya gabatar ba akan shirin nukiliyar Iran inda ya nuna kasar ta Iran ta yi karya tare da yaudarar kasashen duniya akan lamarin

Kawayen Amurka a kasashen Turai sun cimma matsaya mabanbanta da Amurka akan bayanin da Prime Ministan Israila Benjamin Netenyahu ya gabatar, akan dalilin da ya bayar cewa kasar Iran ta shirga karya game da shirin ta na Makakan Nukiliya.

Shugaban na Israila ya danganta zargin nasa ne akan wani kundi mai shafuka dubu 55 da faifan CD har 183 dake kunshe da bayanan sirri da hukumar tattara bayanan sirri ta kasar sa ta samu daga wani wuri a babban birnin kasar Iran ,Tehran.

Yanzu haka dai Ministan harkokin wajen Birtaniya Boris Johnson ya bi sahun takwarorin sa na kasashen Turai a jiya Talata, inda yake kare yarjejeniyar da aka cimma a shekarar 2015 da kasar ta Iran, wanda yanzu ya rage wa shugaba Trump ya yanke shawara daga nan zuwa sha biyu ga wannan watan na kodai ya sabunta wannan yarjejeniyar ko kuma ya yi watsi da ita

Facebook Forum

XS
SM
MD
LG