Accessibility links

Labari da Dumi-Duminsa

Ministan Tsaron Harkokin Gida Na Faransa Ya Kammala Ziyara A Nijar


Daga hagu- Jakadan Faransa dake Nijar, Ministan tsaron gida na Faransa Gerard Collomb da Ministan Cikin Gida na Nijar Mohammed Bazoum

Ministan tsaron cikin gida na Faransa ya ziiyarci jihar Agadez inda cibiyar hana kwararar bakin haure take domin tattaunawa da duka masu ruwa da tsaki akan lamarin da zummar gano gibin da kasarsa zata cike domin a tabbatar da zaman lafiya ta hanyar taimakawa matasa dubu shida da yanzu suka rasa abun yi.

Gerard Collomb ministan tsaron cikin gida na Faransa ya kammala ziyararsa a garin Agadez cikin jamhuriyar Nijar.

Ministan ya samu rakiyar 'yan majalisun dokokin kasarsa su takwas da jakadan kasar Faransa a jamhuriyar Nijar da masu bashi shawara da ministan tsaron cikin gida na Nijar din Muhammed Bazoum.

Ministan ya je Agadez ne domin tattaunawa da hukumomin bariki da na gargajiya da kungiyoyin farar hula da na mata da matasa da duka masu ruwa da tsaki akan kwararar bakin haure.

Gwamnan jihar Agadez Malam Sadu Sanuti ya yabawa kasar Faransa bisa kokarin da ta keyi na tabbatar da tsaro cikin kasar Nijar. Ya kira ministan da su ci gaba da tallafawa kasar Nijar musamman jihar Agadez domin tabbatar da kawo zaman lafiya a kasar.

Shi ko ministan na Faransa cewa ya yi kwararar bakin haure na kawowa yankin kudi saboda ya baiwa matasa abun yi ta hanyar safarar bakin haure. Ya ce yakamata a farfado da tattalin arzikin jihar domin matasan da suka bar harkar safarar bakin haure saboda bin dokar da ta haramta sana'ar.

Tarayyar Turai ta yi alkawarin tallafawa matasan Agadez da yanzu suka rasa ayyukan yi sanadiyar dokar da ta haramta safarar bakin haure.

Sakataren ofishin gwamnan jihar ya ce kasar Faransa ta yi alkawarin tallafawa jihar. Kawo yanzu cikin matasa dubu shida da suka daina safarar bakin haure 250 kacal suka ci moriyar tallafin kasar Faransan.

Rahoton Haruna Mamman Bako nada karin byani

please wait

No media source currently available

0:00 0:03:51 0:00

Facebook Forum

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG