Sama da mutane 150 sun rasa rayukansu sannan wasu daruruwan sun bata a jiya Lahadi bayan da wata mahaukaciyar guguwa da aka wa lakabi da Idai ta ratsa ta kudu maso gabashin Afrika.
Majalisar Dinkin Duniya ta ba da kiyasin da ya nuna cewa mutum miliyan daya da rabi ta mummunar guguwar ta shafa a Mozambique, Malawi da kuma Zimbabwe.
Sannan dubun dubatar mutane suka rasa hanya da kuma wayar sadarwa a mafi yankunan karkara inda talakawa ke zaune.
Ita wannan mahaukaciyar guguwar ta sauka ne a ranar Alhamis a kusa da gabar garin Beira da ke Mozambique, tare da guguwa mai tafiyar kusan kilo mita 200 sa’a guda.
Daga nan ne kuma guguwar ta nausa yamma zuwa Malawi da kuma Zimbabwe.
Majalisar Dinkin Duniya ta ce kusan mutane 122 su ka mutu a Mozambique da Malawi.
Sannan a jiya Lahadi, Jami’ai a Zimbabwe sun tabbatar da mutuwar mutum 65.
Facebook Forum