Accessibility links

Mutane 17 Suka Mutu Sanadiyar Gobarar Dajin Jihar California


Duk da kokarin da jami'an kwanwa-kwana ke yi na kashe gobarar daji a jihar California, har yanzu iska na yin barazana a yankin.

Raguwar karfin iska da zafin rana sun taimakawa dubban jami’an kwana-kwana a jihar California dake yammacin Amurka a kokarin da suke yi na kashe gobarar daji dabam dabam da suka barke a fadin jihar ranar Lahadin da ta gabata.
Ma’aikatar kula da dazuzzuka da kare gobarar daji dake California ta yi gargadin cewa har yanzu iska da zafi na zama barazana a wuraren, kuma ya zuwa yammacin jiya Talata, gobarar ta kona fiye da hekta 46,500 na fili.
A yau Laraba hukumomi sun bada rahoton mutuwar mutane 17 dake da alaka da gobarar, sun kuma ce gobarar ta kona kimamin gidaje da wuraren kasuwanci ko kuma shaguna 1,500.

Facebook Forum

XS
SM
MD
LG