Accessibility links

Labari da Dumi-Duminsa

Najeriya Na Shirin Gwabzawa Da Uruguay


Za a yi karon batta yau asabar a yayin da shahararrun matasa 'yan tamaula na nahiyoyi biyu zasu kece raini a gasar cin kofin 'yan kasa da shekara 17 na duniya

Yau asabar ake shirin karon batta a tsakanin gwanayen tamaula na nahiyoyi biyu a ci gaba da gasar cin kofin duniya na samari 'yan kasa da shekara 17 a Hadaddiyar Daular Larabawa, inda Najeriya zata gwabza da Uruguay, ita kuma Cote D'Ivoure zata kara da Argentina.

Cote D'Ivoire da Argentina su zasu fara karawa a Sharjah da karfe 6 na maraice.

Daga cikin kasashen hudun da suke wasa a yau, Najeriya ce kawai ta taba lashe wannan kofin. Ba ma sau daya ko biyu ba, har sau uku. Amma zasu fuskanci kalubale daga 'yan wasan Uruguay, wadanda a cikin 'yan shekarun nan suka fara nuna kwazo sosai a wannan gasa.

Masana kwallon kafa da dama su na nuni da cewa irin takawar da Najeriya ta yi a wannan gasa a bana, ta sa ana ganin da gaske tana sahun gaba cikin wadanda suka fi kwadayin daukar wannan kofi.

A karshen zagaye na biyu na wannan gasa, Najeriya tana kan gaba, tare da kasar Brazil, a zaman wadanda suka fi jefa kwallaye a raga, inda Najeriyar ta zura kwallaye 18 a wasanni 4 da ta yi. A zagayen na biyu, Najeriya ta doke Iran da ci 4-1.

Sai dai ana ganin, kasar Uruguay ma ba kanwar lasa ba ce.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG