Accessibility links

Labari da Dumi-Duminsa

Neymar Zai Zauna A PSG Har Zuwa 2025


Dan wasan PSG, Neymar

A ranar Asabar PSG ta sanar da sabunta kwantiragin, inda ta wallafa wani bidiyonsa yana sanye da wata rigar kwallo da aka rubuta 2025 a baya.

Dan wasan Paris Saint Germain Neymar, ya sabunta kwangilarsa da kungiyar har zuwa 2025, kamfanin dillancin labaran AP ya ruwaito.

Wannan labari ya kawar da duk ka-ce-na-ce da ake ta yi kan cewa zai bar PSG a karshen wannan kakar wasa a matsayin dan wasan mai zaman kansa.

A ranar Asabar PSG ta sanar da sabunta kwantiragin, inda ta wallafa wani bidiyonsa yana sanye da wata rigar kwallo da aka rubuta 2025 a baya.

Rigar har ila yau tana dauke da rubutun “Ici c’est Paris” da harshen Faransanci, wato “Nan ne Paris”, wanda shi ne sannan taken masoyan kungiyar.

Dan shekara 29, kwangilar Neymar a PSG za ta kare ne a watan Yuni, tare da dan wasa Kylian Mbape - wanda har yanzu bai sabunta kwangilarsa da kungiyar ba.

Ana dai danganta Mbape da komawa Real Madrid a kasar Spaniya.

Neymar ya zura kwallo 85 a wasa 112 tun da ya koma PSG daga Barcelona, inda aka biya zunzurutun kudi euro miliyan 222 a tsawon shekara hudu da zai kwashe a kungiyar.

An dakko shi ne tare da Mbape, wanda aka siyo akan euro miliyan 180 daga Monaco.

Ba Laifi Ba Ne Don Na Dawo Kano Pillars – Ahmed Musa
please wait

No media source currently available

0:00 0:00:59 0:00
Karin bayani akan Diego Maradona
XS
SM
MD
LG