Accessibility links

Labari da Dumi-Duminsa

Nijar: Shugabannin Al’umma Sun Bukaci Kungiyoyi Masu Zaman Kansu Su Taimaka Wa Matasa


Shugabannin al’umma a Jamhuriyar Nijar sun bukaci gudunmawa daga kungiyoyi masu zaman kansu wajen samar da ayyukan yi a karkara irinsu noman rani da nufin cire wa matasa tunanin zuwa kasashen waje.

Yayin da a daya bangare tallafin irin wannan yunkuri ka iya bai wa magidanta damar cike gurbin cimakar da ake fuskanta sakamakon matsalaolin da suka lalata amfanin gonaki a damanar da ta gabata.

Bayanan mahukuntan Nijar sun tabbatar da cewa gardamar damanar a bana ta haddasa lalacewar a kalla kashi 50 daga cikin 100 na amfanin da aka yi hasashen samu lamarin da ya sa gwamnatin kasar daukan matakai da nufin tunkarar wannan al’amari kamar shirin sayar da cimaka akan farashi mai rahusa ko rarraba cimakar kyauta a wuraren da abin ya yi kamari.

Sai dai a wata hirar musamman da sarkin Dungas mai martaba Amadou Zakari ya ce yana ganin maida hankali wajen noman rani it ace hanya mafi a’ala a halin da ake ciki a yau.

A irin wannan lokaci matasa kan rika ficewa zuwa ci rani kasashen da ake daukansu a matsayin bakin haure saboda haka sarkin Dungas ya ce akwai bukatar kungiyoyi masu zaman kansu su shigo wannan lamari don ganin jama’a ta ci moriyar albarkatun ruwan da Allah ya horewa yankunan wannan kasa misali da karkarar da yake shugabanta.

Shugaban kungiyar matasa ta AJEPA Laouali Tsalha shi ma ya yi na’am da wannan shawara na cewa matakin zai taimaka wajen yaki da talauci da yaki da zuwan ciranin matasa sannan hanya ce ta samar da wadatar abinci a kasa.

Noman dama na kan gaba a ayyukan da mafi yawancin jama’ar Nijar ke dogaro a kansu saboda haka fannin ke da mahimmanci sosai wajen samar da wadatar cimaka a wannan kasa dake fama da kwararowar hamada da a daya gefe illolin canjin yanayi.

Saurari rahoto cikin sauti daga Souley Moumouni Barma:

Nijar: Shugabannin Al’umma Sun Bukaci Kungiyoyi Masu Zaman Kansu Su Taimakawa Matasa
please wait

No media source currently available

0:00 0:03:00 0:00


Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG