Pakistan Za Ta Cimma Matsaya Da Amurka Kan Mutumin Da Ya Taimaka Wajen Gano Bin Laden

Zuwa yanzu dai jami'an Pakistan sun yi watsi da duk yinkurin Amurka na ganin an saki Dr. Shakeel Afridi, wanda aka yanke masa hukuncin dauri mai yawa bayan da ya taimaka ma sojojin kundunbalar Amurka su ka gano gidan da su ka kashe bin Laden a garin Abbottabad a shekarar 2011.

An kai farmakin ne a cikin kasar Pakistan ba tare da sanin gwamnatin kasar ba, al'amarin da ya zama abin kunya ga hukumomin kasar har ya kai ga daure Afridi, wanda hakan kuma ya janyo takaddama tsakanin Amurka da Pakistan.