Accessibility links

Labari da Dumi-Duminsa

QATAR 2022: Kamaru Da Serbia Sun Yi Kunnen Doki 3-3


'Yan wasan Kamaru da Senegal
'Yan wasan Kamaru da Senegal

Kamaru da Serbia sun tashi da kunnen doki 3-3 ranar Litinin a gasar cin kofin duniya ta maza a Qatar, yayin da suke kokarin ci gaba da fatan tsallakewa zuwa matakin rukuni.

An fara wasan ne bayan da duka kungiyoyin biyu suka rasa zura kwallo a raga a wasan farko na gasar inda Brazil ta doke Serbia da ci 2-0, yayin da Kamaru kuma ta sha kashi a hannun Switzerland da ci 1-0.

Kamaru ta fara zura kwallo a ragar a cikin minti na 29 da fara wasa yayin da Jean-Charles Castelletto ya buga kwallon a bayan mai tsaron ragar daga bugun kusurwa.

Serbia ta mayar da martani a lokacin da aka dawo hutun rabin lokaci, inda ta zura kwallaye biyu a ragar a yayin da Strahinja Pavlovic ya zura da kai kuma Sergej Milinkovic-Savic ya zura da kafa.

Serbia ta samu nasara da ci 3-1 a minti na 53 da fara wasan inda Aleksandar Mitrovic ya karasa bugun ga mai tsaron gidan Kamaru.

Sai dai Kamaru ta sake dawowa bayan mintuna goma, inda ta zura kwallaye biyu a jere, lamarin da ya yi sanadiyar ci 3-3.

Serbia da Kamaru
Serbia da Kamaru

Vincent Aboubakar ya rabe bayan mai tsaro sannan ya daga kwallon a kan mai tsaron gida Vanja Milinkovic. Mintuna uku bayan haka, Eric Maxim Choupo-Moting ya zura kwallon da kafar hagu a cikin raga.

Kamaru ta rufe jadawalinta na rukunin G da wasa ranar Juma'a da Brazil, yayin da Serbia za ta kara da Switzerland. Amman ya zama dole ga Kamaru da Serbia su yi nasara domin samun damar tsallakewa zuwa zagaye na gaba.

A wani mataki kuma Mohammed Kudus ne ya zura kwallaye biyu a wasan da Ghana ta lallasa Koriya ta Kudu da ci 3-2 a wani gagarumin wasan da suka fafata a rukunin H domin ci gaba da fafatawa a zagaye na gaba.

Dan wasan tsakiya Casemiro ne ya zura kwallo inda ya ba Brazil nasara a rukunin G da ci 1-0, abin da ya sa ‘yan kasar Brazil suka shiga zagaye na gaba na gasar cin kofin duniya.

Kofin Duniya ta Qatar 2022

Kofin Duniya ta Qatar 2022
please wait

No media source currently available

0:00 0:00:32 0:00
Karin bayani akan Kofin Duniya ta Qatar 2022

Ronaldo vs. Messi

Ronaldo vs. Messi
please wait
Embed

No media source currently available

0:00 0:01:24 0:00
Satumba 30, 2020

Ronaldo vs. Messi

Karin bayani akan Wasanni
XS
SM
MD
LG