Accessibility links

Labari da Dumi-Duminsa

Rashin Adalcin Gwamnati Ke Sa Mu Yin Garkuwa Da Mutane- Shehu Ragab


'Yan Fashin Daji.

Rashin cika alkawalin gwamnati yasa muke kama mutane don neman kudin fansa, a cewar shugaban masu garkuwa da mutane na arewacin Najeriya.

Rikicin satar mutane don neman kudin fansa da ake cigaba da fuskanta a Arewacin Najeriya, ya kai duk inda ake kaiwa, kamar yadda jama'a ke cigaba da kokawa. Akan dora laifin ga Fulani makiyaya, inda su kuma ke dora laifin akan gwamnati.

Akasarin mayakan nan da ke kama mutane don neman kudin fansa, suna yin hakan ne a bisa dalilin rashin adalci da ake yi musu, kamar yadda wasu daga cikin masu garkuwa suka bayyana wa Muryar Amurka.

A duk lokacin da aka yi alkawali da mahukunta, su kan saba akan hakan, sau da yawa akan kashe musu 'yan uwa ko mai da su saniyar ware, babu wani abu da suka samu daga hannun gwamnati, wanda hakan yasa suka shiga cikin wannan aikin.

A duk lokacin da aka samu fahimta tsakanin mahukunta da masu garkuwa, sai a bar su cikin daji tare da makamai, amma ba a kokarin ganin an kyautata musu, don haka suka ga cewar abu da ya fi dacewa shi ne, su shiga daukar matakin kwatar ma kansu hakkinsu.

Gwamnati ta sare daji, babu wani abun more rayuwa da bafullatani zai ce ya mora a kasar, saboda irin matakai na koma baya da ake saka Fulani a ciki. Basu da wani dalilin daukar matakan da suke akai yanzu sai don rashin adalci da ake yi musu.

Ana iya sauraron rahoton Sani Shu'aibu Malumfashi cikin sauti.

please wait

No media source currently available

0:00 0:03:18 0:00

Dalilin Da Ya Sa Muke Garkuwa Da Mutane
please wait

No media source currently available

0:00 0:02:10 0:00

Karin bayani akan: Fulani, Nigeria, da Najeriya.

Dubi ra’ayoyi

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG