Accessibility links

Labari da Dumi-Duminsa

Rasuwar Bashir Tofa Babban Rashi Ne Ga Yankin Arewacin Najeriya - CNG


Kungiyar CNG ta mika ta'aziyar rashin Alh. Bashir Tofa.

Sakamokon wannan rashi da aka yi gammayar kungiyoyin ta sanar da jingine taronta da ta shirya yi a ranakun 5 da 6 ga wannan watan nan na Janairu.

Gamayyar Kungiyoyin Arewacin Najeriya CNG ta bayyana alhininta game da rasuwar daya daga cikin dattawan yankin arewa kuma tsohon dan takarar shugaban kasa, Alhaji Bashir Othman Tofa.

Gamayyar ta bayyana marigayin a matsayin wani jigo da al’umar yankin arewa ba za su taba mantawa ba.

A wani hira da ya yi da Muryar Amurka, shugaban gamayyar kungiyar, Balarabe Rufai ya bayyana jagoranci da sadaukar da kan da marigayin ya yi ga al’umar Najeriya musamman al’amuran da suka shafi yankin Arewa a matsayin abin koyi.

Balarabe ya kuma bayyana kaduwarsu game da rasuwar dan siyasar haifaffen jihar Kano, ganin yadda rayuwarsa da ayyukansa suka zama abin zaburarwa da koyi ga dimbin matasan da suka fito daga yankin.

A cewarsa, babban abin da za su yi koyi a matsayinsu na matasa shi ne tsayawa akan gaskiya, domin mutum ne mai tsoron Allah, kuma ba ya duba wani balle yaji tsaro, sannan kuma mutum ne wanda ba shi da kwadayi.

A sakamokon wannan rashi da aka yi gammayar kungiyoyin ta bayyana cewa ta jinginar da taronta da ta shirya yi a ranakun 5 da 6 ga wannan watan na Janairu kan hada masu ruwa da tsaki kan sha’anin tsaro a wani mataki na nemo bakin zaren matsalar tsaro dake addabar yankin na arewacin Najeriya.

zana'izar Alhaji Bashir Tofa
zana'izar Alhaji Bashir Tofa

A safiyar yau Litinin aka sanar da rasuwar Alhaji Bashir Tofa wanda ya kasance ɗaya daga cikin ƴan takarar shugaban kasa a zaben 1993, zaben da ake yi wa kallon zabe mafi adalci a Najeriya. Tuni an yi jana'izarsa kamar yadda addinin Musulunci ya tanada.

please wait

No media source currently available

0:00 0:02:42 0:00


Dubi ra’ayoyi

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG