Accessibility links

Labari da Dumi-Duminsa

Rex Tillerson Ya Murmure Daga Rashin Lafiya


Sakatare Rex Tillerson yayin da yake magana a gaban wasu daga cikin wadanda suka tsira daga harin Nairobi. Kenya, March 11, 2018.

Sakatare Rex Tillerson na Amurka ya murmure daga rashin lafiyar da ya yi fama da ita, bayan da ya soke wasu taruka da ya kamata ya je a kasar Kenya yayin wata ziyarar kasashe biyar da yake yi a nahiyar Afirka.

Sakataren harkokin wajen Amurka, Rex Tillerson, ya koma bakin aiki a ziyarar da yake yi a Kenya, bayan da ya soke halartar tarukan da aka tsara zai je a jiya Asabar, sanadiyar rashin lafiya da ya yi fama da ita.

A yau Lahadi, Tillerson ya ajiye kunshin furanni a ofishin jakadancin Amurka da ke Birnin Nairobi, a wani biki da aka yi domin karrama wadanda suka jikkata da kuma wadanda suka mutu a harin bam din da aka kai wa ofishin shekaru 20 da suka gabata.

Bayan da ya gana da shugaban Kenya, Uhuru Kenyatta a ranar Juma’a a Birnin na Nairobi, Tillerson ya yaba shirin sasanta rikicin siyasar kasar da shugaba Kenyatta da abokin hamayyarsa Raila Odinga suka fara.

Ya kuma kwatanta shirin a matsayin “gagarumin ci gaba da aka samu a fannin sasanta rikicin kabilanci da na siyasa da ya haifar da rarrabuwar kawuna,” kamar yadda ma’aikatar harkokin wajen Amurkan ta sanarwa.

Facebook Forum

Matsalar Tsaro A Zamfara

Ko Kun San Irin Makaman Da Sojoji Ke Amfani Da Su Wajen Yaki Da 'Yan Bindiga A Jihar Zamfara?
please wait

No media source currently available

0:00 0:01:31 0:00
Karin bayani akan Bidiyo

Kamu A Auren Nupawa

Yadda Nupawa Suke Kamun Ango A Bikin Aure
please wait

No media source currently available

0:00 0:03:21 0:00
Karin bayani akan Rahotannin Taskar VOA
XS
SM
MD
LG