Accessibility links

Labari da Dumi-Duminsa

Rikicin Gwamnati Da Masarautar Kano Na Kara Rincabewa


Sarkin Kano, maimartaba Muhammadu Sanusi Lamido

Kwamitin dattawan arewa da Farfesa Ango Abdullahi ke jagoranta ya gana da masu ruwa da tsaki a Kano, yayin da kwamitin tsohon shugaban Najeriya Janar Abdussalami Abubakar dake kokarin sulhunta takaddamar dake tsakanin gwamna da sarkin Kano ke ci gaba da aikinsa.

A karshen makon jiya ne rikici ya kara munana, bayan da gwamnatin Kano ta baiwa sarkin na Kano wa'adin sa'o'i 48 ya sanar da ita matsayar sa game da aikin shugabancin majalisar sarakunan jihar da gwamna Abdullahi Umar Ganduje ya nadashi a kwanakin baya.

Ganin yadda lamura suka rincabe, zauren dattawan Arewa ya samar da kwamitin shiga tsakani bisa jagorancin Farfesa Ango Abdullahi wadda har ma ya gana da masu ruwa da tsaki a litinin din nan, da suka hada da dattawa a Kano, musamman masu rike da sarautu, Malamai da kuma wakilan kungiyoyin fararen hula.

Sai dai gabanin haka, dama kwamitin Janar Abdussalami Abubakar na ci gaba da nasa aikin a asirce da nufin warware wannan takaddama ta sarki da gwamnan Kano, inda harma rahotanni suka ambata cewa, wakilan kwamitin sun gana da gwamna da sarkin a Abuja babban birnin tarayyar Najeriya.

Hakan dai na faruwa ne, bayan kwanaki kalilan da gwamnatin jihar Kano tace, wasu kungiyoyin fararen hula 35 suka rubuta mata wasika , ta muradin warware rawanin Sarki Muhammdu Sanusi na biyu, bisa abin da suka kira rashin mutunta ka'idodin tafiyar da ayyukan mulkin sarautar gargajiya.

To Amma kasa da sa'o'i 24 , sai inuwar gamayyar kungiyoyin fararen hula ta Kano ta fito ta nesanta kanta da waccan wasika, al’amrarin da ya sanya masu kula da lamura ke ganin ka iya tauye kimar kungiyoyin.

Ga rahoton Mahmud Ibrahim Kwari a kan batun:

please wait

No media source currently available

0:00 0:04:32 0:00

Facebook Forum

Sakataren Gwamnatin kasar Amurka Michael R. Pompeo

Magoya Bayan Trump Sun Afkawa Ginin Majalisun Amurka

Magoya Bayan Shugaba Donald Trump Sun Mamaye Ginin Majalisar Dokokin Amurka
please wait

No media source currently available

0:00 0:00:56 0:00

Rayuwar Birni

Rayuwar Birni: Hira da Aliyu Danlami mai sayar da furanni a Abuja
please wait

No media source currently available

0:00 0:04:49 0:00
Karin bayani akan Rayuwar Birni
XS
SM
MD
LG