PLATEAU, NIGERIA - Sanarwar ta ce cikin hanzari dakarun suka kai dauki suka kuma cimma ‘yan ta’addan, inda suka halaka uku daga cikinsu tare da kwato bindigogi kirar AK-47 guda uku da harsasai guda goma sha hudu da babur guda daya da katin shaidar ‘yan sanda mai matakin kurtu, yayinda wassu daga cikinsu suka tsere da raunukan harbin bindiga.
Sanarwar ta kara da cewa kwamandan Operation Safe Haven, Manjo Janar Abdulsalam Abubakar ya jaddada cewa ,rundunar zata ci gaba da jajircewa wajen gudanar da aikinta bil hakki da gaskiya.
Wannan nasara da rundunar sojin suka yi na zuwa ne kwana guda bayan shugaban kasa, Bola Ahmed Tinubu ya umurci jami’an tsaro da su nemo masu aikata kisan al’umma a jihohin Filato da Binuwai.
A cikin sanarwar daga hadiminsa, Dele Alake, shugaban Tinubu ya bayyana takaicinsa yadda ake kisan mutane, ciki har da kananan yara.
Gwamnan Jahar Filato, Barista Caleb Mutfwang yayi fatar samun hadin kai daga mabambantan addinai da kabilu a jihar.
Al’ummar karamar Hukumar Mangu a cikin ‘yan kwanakin nan sun sha fama da hare-haren ‘yan bindiga inda aka kashe mutane da dama, dubban jama’a na gudun hijira cikin sanyi da ruwan sama da rashin abinci da cututtuka musamman a tsakanin kananan yara.
Saurari cikakken rahoton Zainab Babaji:
Dandalin Mu Tattauna