ADAMAWA, NIGERIA - Kwamishinan ‘yan sandan jihar, Sikiru Akande, wanda Mataimakinsa ya wakilta, ya gabatar wa ‘yan jarida wadanda ake zargin. DCP Ajani Musibau ya yi jawabi wa manema labarai a babban ofishin ‘yan sandan na jihar adamawa.
Ajani ya yi jawabi ne akan wadanda ake zargin da cewa za a gurfanar dasu a gaban kotu domin a yi musu hukuncin da ya dace, ya kuma gode wa al'ummar jihar da suke bai wa ‘yan sandan goyon baya.
Wasu masu garkuwa da mutanen sun bayyana wa Muryan Amurka yadda suke yi da kudin fansar da suke karba a hannun mutane.
Buba Isuhu shugaban wasu masu garkuwa da mutane su shida, wadanda kuma dukansu ‘yan sandan jihar sun yi nasarar kamo su, ya yi karin haske akan yadda aka kamo su bayan sun karbi kudin fansa, amma ba su kashe ba.
Saurari cikakken rahoto daga Lado Salisu Muhammad Garba:
