WASHINGTON DC —
Shugaban Amurka Donald Trump ya ce nan da kwanaki uku masu zuwa za a sanar da wuri da ranar da za a gudanar da taron koli tsakaninsa da shugaban Korea ta Arewa Kim Jong Un.
Amma bayanai sun yi nuni da cewa ba za a gudanar da taron a yankin Korea ba da aka hana ayyukan soji kamar yadda aka fada a baya ba.
Trump ya yi wadannan kalamai ne ga manema labarai a fadarsa ta White House, jim kadan bayan Korea ta Arewa ta sako wasu Amurkawa uku da take tsare da su.
Mujallar Wall Street Journal ta fada da yammacin jiya Laraba cewa akwai yiwuwar a gudanar da taron kolin a kasar Singapore.
Facebook Forum