Accessibility links

Labari da Dumi-Duminsa

Shugaban Amurka Donald Trump Yasa Hannu A Dokar Kakabawa Rasha Takunkumi


Shugaba Donald Trump

Shugaban Amurka Donald Trump ya sa hannu a wata dokar kakabawa Rasha wadansu sababbin takunkumi, dokar da ta ba majalisar dokokin Amurka ikon hana shugaban kasar dagewa ko kuma soke takunkumin. Trump ya bayyana sabuwar dokar a matsayin mai cike da kurakurai, a wata sanarwar manema labarai da aka fitar jiya Laraba bayan ya sanya mata hannu. Duk da haka ya musanta cewa, an matsa masa ne ya sa hannu a dokar.
Sabuwar dokar da ‘yan jam’iyar Republican da na Democrat suka goyi baya, ta kakabawa Iran da Koriya ta Arewa da kuma Rasha takunkumi. Sanata Chris Coons, dan jam'iyyar Democrat daga Jihar Delaware, yayi marhabin da sanya hannu kan dokar.

Yace, "Naji dadi da shugaba Trump ya sa hannu a dokar kakabawa Rasha takunkumi. Ban yi tsammani yana da wani zabi ba, kasancewa majalisar dattawa da ta wakilai duka sun amince da dokar da gagarumin rinjaye".

Mai magana da yawun fadar White House, Sarah Huckabee Sanders, tace shugaba Trump ya sa hannu a dokar ne bisa dalilan hadin kan kasa.

Tace "Mun bayyana a fili cewa, zamu goyi bayan tsauraran takunkumi a kan dukkan kasashen uku, kuma zamu ci gaba da yin haka, babu abinda ya sake. Ina jin hakan ya bayyana a bayanan na yau".

Sai dai Trump yace dokar ta kunshi wadansu sharudda da ba zasu taimaki amurkawa ba, da zasu iya inganta dangantakar Rasha da Koriya ta Arewa da kuma China a maimakon cimma gurin da ake nema.

  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

Facebook Forum

An Yi Jana’izar Idriss Deby Yayin Da Makomar Chadi Ke Cike Da Rashin Tabbas
please wait

No media source currently available

0:00 0:04:38 0:00
Karin bayani akan Bidiyo
Yadda Aka Kashe Sojojin Najeriya 11 A Jihar Benue Da Ke Arewacin Kasar
please wait

No media source currently available

0:00 0:02:34 0:00
Karin bayani akan Bidiyo
Wani Sirri Da Tsohon Shugaban Nijar Mahamadou Issoufou Ya Fadawa ‘Sarki Sanusi II’
please wait

No media source currently available

0:00 0:02:23 0:00
Karin bayani akan Bidiyo
XS
SM
MD
LG