Shugaban Jam'iyyar Adawa A Nijar Hama Amadu Ya Koma Nijar

A yau da la’asariyya jagoran ‘yan adawa a jamhuriyyar Nijar, shugaban jam’iyyar Moden Lumana Afirka Hama Amadou, ya koma kasar Nijar bayan kwashe shekaru kusan 5 yana gudun hijira a kasashen waje.

Magoya bayan tsohon kakakin majalisar dokokin kasar Hama Amadou, sun kece da murna lokacin da ya iso kofar gidansa a birnin Yamai.

Daga saukar sa daga jirgi kai tsaye jagoran ‘yan adawan ya samu yiwa mahaifiyarsa addu’o'i wacce Allah ya yiwa rasuwa a watan Oktoba da ya gabata.

Ga rahoto cikin sauti daga wakilin muryar Amurka Souley Moumouni Barma.