Accessibility links

Shugaban Somalia, Mohamed Abdullahi Farmajo ya la’anci harin, da ya hallaka sojoji akalla 48 a ranar Alhamishin da ta gabata, wanda kuma wannan shine farmaki mafi muni da aka taba kaiwa akan duk wani sansani na sojan kasar.

Shugaban kuma ya aika da gaisuwar ta’azziya ga iyalan sojojin da aka hallakan.

Haka kuma shugaban yace gwamnatinsa zata taya hukumomin lardin Puntland wajen daukar fansa akan wannan harin.

Wannan alkawarin ya biyo bayan alwashin da shugaban yankin na Puntland Abdiweli Mohamed Ali ya sha ne, na cewa suma sun kaddamarda yaki gadan-gadan akan al-Shebab dake yankin na Galgala.

Mayakan na al-Shebab dai, wadanda suka afkawa barikin sojan daga kowace kusurwa, ance sun share kamar sa’oi suna fatattakar wurin da harbe-harbe kafin su kwace shi.

Facebook Forum

XS
SM
MD
LG