Accessibility links

Labari da Dumi-Duminsa

Takaddama Tsakanin Wata Al'umma Da Masarautar Kano Kan Wuraren Ibada


A Najeriya wata takaddama kan mallakar wuraren ibada a birnin da kewayen Kano na ci gaba da wakana tsakanin mahukuta a matakai daban daban da kuma kungiyoyi da cibiyoyin al’uma dana addinai a jihar Kano.

Yayin da tankiya tsakanin gwamnatin Kanon da majalisar kula da Zakka mai zaman kanta a jihar ke ci gaba da wakana kan batun mallakar harabar gidan Zakka na Kano, yanzu haka, al’umar yankin Darmanawa Layout na karamar hukumar Tarauni na zargin masarautar Kano da kokarin kwace filin Sallar Idi dake yankin wanda al’ummar musulmi suka kwashe kimanin shekaru 30 suna gudanar da ibada da kuma nufin sayar da shi ga ‘yan kasuwa domin gina gidaje.

Barrister Tijjani Yahaya shugaban kwamitin kula da wannan fillin masallacin idi na Darmanawa ya ce shi a fahimtar sa wadannan wuraren ba sa karkashin masarautar Kano, suna hannun gwamnatin jihar ne.

Sarkin Kano da Ganduje
Sarkin Kano da Ganduje

Koda yake shugaban kwamitin da aka ce majalisar masarautar Kanon ta kafa akan wannan takaddama Sarkin shanun Kano, Alhaji Shehu Mahmud ya ki cewa uffan dangane da batun, amma mataimakin Sakataren majalisar Alhaji Awaisu Abbas Sanusi ya ce mutane sun kai kuka su ga fadar sarki, kuma ya kafa wani kwamiti don yin bincike game da batun wanda a yanzu ana jira aga takardun shaida.

Sai dai ‘yan kwamitin filin idin na Darmanawa sunyi kukan rashin samun hadin kan da ya kamata daga kwamitin bayan mika korafin su ga masarautar ta Kano.

Barrister Tijjani Yahaya yace, muddin suka gaza cimma masalaha da masarautar ta Kano, to basu da zabi illa gurfana a gaban kuliya.

Saurari rahoton Mahmud Ibrahim Kwari daga Kano:

please wait

No media source currently available

0:00 0:03:07 0:00


Dubi ra’ayoyi

Arewa A Yau

Arewa A Yau
please wait
Embed

No media source currently available

0:00 0:00:47 0:00
XS
SM
MD
LG