Shugaban Amurka Donald Trump ya fada a jiya Lahadi cewa karamin sakataren tsaron Amurka Patrick Shanahan zai zama shugaban ma’aikatar tsaron Amurka ta Pentagon daga ranar daya ga watan Janairu, domin cike gurbin Jim Mattis da ya sanar da ya yin murbus a makon da ya gabata.
Trump ya sanar da wannan ne a cikin wani sakon Twitter da ya aike, yana mai cewa daga daya ga watan Janairun 2019, kwararren mataimakin sakataren tsaro Patrick Shanahan, zai fara aiki a matsayin sakataren tsaro na riko, lamarin da zai sa Mattis ya ajiye aiki watanni biyu kafin lokacinsa.
Shanahan tsohon shugaban kanfanin jirgin Boeing, ya zama mataimakin sakataren tsaron Amurka a shekarar 2017.
A ranar juma’a ne Mattis ya kai takardarsa na yin murabus kuma yace zai ajiye aiki a ranar 28 ga watan Faburairu 2019.
Shawarar ajiye aiki da sakataren tsaron ya dauka ta biyo bayan sanarwar da Trump ya yi zai janye sojojin Amurka dubu biyu daga Syria, wani mataki da Pentagon ta kalubalanta.
Za ku iya son wannan ma
-
Fabrairu 04, 2023
Amurka Ta Kakkabo Babban Balan-Balan Na Leken Asirin China
-
Janairu 25, 2023
Mawakiya Yar Najeriya Ta Yi Tarihi A Bikin Bada Lambar Yabo Na Oscar
-
Janairu 13, 2023
Lisa Marie Presley, Diyar Mawaki Elvis Ta Rasu
-
Janairu 11, 2023
Ana Tsaftace Yankunan Da Mahaukaciyar Guguwa Ta Ratsa A California
Facebook Forum