WASHINGTON, D.C —
Marigayi Alhaji Abdulkadir Balarabe Musa wanda aka haifa ranar 21 ga watan Agusta na shekarar 1936, shi ne gwamnan farar hula na farko a jihar Kaduna a jamhuriya ta biyu a Nijeriya kafin a tsige shi a ranar 23 ga Yuni na shekarar 1981.
A ranar Larabar nan ne aka yi jana’izar marigayi Alhaji Abdulkadir Balarabe Musa a masallacin Sultan Bello da ke unguwar Sarki a Kaduna.
Marigayi Abdulkadir ya taba zama shugaban gamayyar jam'iyyun siyasar Najeriya ta CNPP, wato gamayyar jam'iyyun adawa a jamhuriya ta hudu.
Kafin rasuwarsa, ya kasance shugaban kwamitin amintattu na jam’iyyar Redemption Party (PRP) kuma ita ce jam'iyyar da ya tsaya takarar shugaban kasa a shekarar 2003.
Facebook Forum