Accessibility links

Turkiyya Ta Gina Katafaren Sansanin Soji a Somalia


Babban hafsan sojin Turkiyya, Janar Hulusi Akar (daga hagu) da Fira Ministan Somali, Hassan Ali Khayre (tsakiya)

Turkiyya ta bude sansanin sojinta mafi girma a kasar waje a birnin Mogadishu, a wani bikin da shugabannin Somalia da manyan jami’an soji da na diplomasiyyar kasar ta Turkiyya suka halarta.

Fira Ministan Somalia Hassan Ali Khaire da shugaban rundunar sojin Turkiyya, Janar Hulusi Akar sun kaddamar da sasanin soji mafi girma da Turkiyya ta gina a Mogadishu.

Sansanin mai tsawon kilomita hudu, na dauke da dakunan kwanan sojoji da wurin horo da na motsa jiki.

An kwashe shekaru biyu ana gina wannan sansanin wanda aka kaddamar da shi a jiya Asabar.

A cewar Janar Akar, bude wannan sansanin, alama ce da ke nuna yadda kasar Turkiyya ta himmatu wajen taimakawa Somalia.

Fira Minista Khaire ana shi bangaren ya ce, bude sansanin wata alama ce da ke nuna cewa Somalia ta dauki hanyar kare kanta.

Sama da dakarun Turkiyya 200 za su horar da takwarorinsu na Somalia kusan 1,500, a cewar ma’aikatar tsaron Somalia a wannan sansanin.

Facebook Forum

XS
SM
MD
LG