Accessibility links

Labari da Dumi-Duminsa

Wasu 'Yan Shi'a Sun Gudanar Da Muzahara A Birnin Yamai


Jerin gwanon 'yan Shi'ah sun gudanar da muzahara a Birnin Yamai.

A jamhuriyar Nijar mabiya mazhabar shi’ah sun yi jerin gwano a birnin Yamai, a yau juma’ar karshen watan Ramadan, da nufin nunawa duniya rashin jin dadinsu akan halin kuncin da Falasdinawa ke ciki, lamarin da ya sa suka kona tutar kasar Isra’ila a matsayin jan kunne ga manyan kasashe duniya.

Yau da hantsi lokacin da ‘yan shi’ah ke kan hanyar zuwa dandalin Chateau tawaye, dake unguwar lazaret a birnin Yamai, inda suka saba gudanar da taron muzahara na juma’ar karshen watan Ramadan.

Ja-yayyar da ake ci gaba da fuskanta akan batun mallakar masallacin Qudus, da kashe kashen dake tattare da wannan al’amari, na kan gaba cikin batutuwan da jagoran mabiya shi'ah Shiek Ahmed Lazaret ya tabo a jawabinsa.

Matasa wadanda ke kallon wannan rana ta juma’ar tunawa da al’umar Falasdinu da muhimmanci, sun jaddada aniyar ci gaba da fafutikar ganin masallacin Qudus ya koma hannun su inji Dahirou Moussa da ake kira Chadoua.

Lura da yadda jinsin mata ke dandana kuda a rikicin Isra’ila da Falastinawa ya sa mata ‘yan shi’ah sadaukar da komai nasu don ceton takwarorinsu daga wannan tashin hankali.

Malama Sa’adatou Aboubakar, na daga cikin masu irin wannan tunani a taron muzaharar wannan shekara, ta kona tutar Isara’ila a matsayin hannun ka mai sanda ga kasashen yammaci, saboda irin gudunmawar da suke badawa wajen ruruta wutar.

Ga rahoton wakilin sashen Hausa na Muryar Amurka Souley Moumouni Barma.

please wait

No media source currently available

0:00 0:02:43 0:00

Facebook Forum

Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG