Labari da Dumi-Duminsa

Murtala Sanyinna

Produced by Murtala Sanyinna

Afrilu 20, 2021
CHADI: An Nada Dan Marigayi Idriss Deby A Matsayin Shugaban Riko Na Soji

Rundunar sojin kasar Chadi ta nada dan marigayi Idriss Deby Itno, domin maye gurbin mahaifinsa a matsayin shugaban riko na mulkin soji.
Afrilu 20, 2021
Buhari Da Bazoum Sun Yi Buda Bakin Azumi A Abuja

Shugaban Najeriya Muhammadu Buhari ya gudanar da buda baki azumin Ramadan da takwaransa na Jamhuriyar Nijar Mohamed Bazoum, wanda ya kai masa ziyara a Abuja.
Afrilu 19, 2021
'Yan Bindiga Sun Kona Shelkwatar 'Yan Sanda A Anambra Da Abia

A Najeriya wasu ‘yan bindiga dauke da muggan makamai sun kai hari ga shelkwatar ‘yan sanda shiyya ta 13 da ke Ukpo ta jihar Abia, inda kuma suka cinna mata wuta.
Afrilu 17, 2021
El-Rufai Ya Dade Bai Kama Mu Ba - Iyayen Daliban Da Aka Sace

Iyayen daliban kwalejin koyon fasahar aikin gona da gandun daji ta tarayya ta Kaduna da aka sace, sun yanke shawarar sasantawa da ma biyan kudin fansa domin ceto ‘ya’yansu da yanzu haka suke hannun ‘yan bindiga.
Afrilu 16, 2021
Yajin Aikin Ma'aikatan Shari'a: An Gudanar Da Babban Taron Masu Ruwa Da Tsaki A Abuja

An gudanar da wani taron tattaunawa tsakanin kungiyar gwamnonin Najeriya da shugabannin majalisun dokokin jihohi, da kuma shugaban ma’aikata na fadar shugaban kasa Ibrahim Gambari, dangane da yajin aikin ma’aikatan shari’a.
Afrilu 13, 2021
Gwamnatin Najeriya Ta Roki Ma'aikatan Shari'a Da Su Janye Yajin Aiki

Gwamnatin Tarayyar Najeriya ta yi kira ga kungiyar ma’aikatan shari’a na kasar da ta dakatar da yajin aikin da take yi, wanda ya kassara ayukan kotuna a fadin kasar.
Afrilu 12, 2021
An Kama ‘Yan Kasuwar Da Suka Sayar Da Abin Sha Mai Guba A Kano

Hukumar kula da sahihancin abinci da magunguna ta Najeriya, NAFDAC, ta cafke ‘yan kasuwar da ke da alhakin sayar da abinci da kayan sha da ke kunshe da miyagun sinadirai, da suka yi sanadiyyar mutuwar wasu mutane a Kano.
Afrilu 12, 2021
Dalibai Da Dama Na Iya Rasa Damar Rubuta Jarabawar JAMB Ta Bana A Najeriya

Ana fargabar cewa daliban Najeriya da dama ne ba za su sami damar rubuta jarabawar share fagen shiga jami'a ta JAMB ba a shekarar karatu ta 2021/2022, sakamakon dagewar da hukumar shirya jarabawar ta JAMB ta yi, na sanya lambar katin zama dan kasa wato NIN, a cikin sharudan yin rijistar jarabawar.
Afrilu 10, 2021
Yunkurin Fasa Gidan Yari A Bauchi

Rahotanni daga jihar Bauchi da ke Arewacin Najeriya sun bayyana cewa an sami wata tarzoma a cikin babban gidan yarin Bauchi, wadda ta yi sanadiyyar raunata fursunoni 5 da jami’ai 2.
Afrilu 10, 2021
Najeriya Na kan hanyar Wargajewa, Tana Bukatar Daukin Gaggawa - Gwamnonin PDP

Gwamnonin da aka zaba a karkashin inuwar jam’iyyar PDP sun bayyana cewa Najeriya na bukace da samun kyakkyawan shugabanci, domin magance barazanar wargajewa da take fuskanta.
Afrilu 09, 2021
Yajin Aiki: Majalisar Wakilai Na Shirin Ba Da Umarnin Kama Magatakardar Majalisar Likitocin Najeriya

Kwamitin majalisar wakilan Najeriya kan ayyukan kula da kiwon lafiya ya yi barazanar ba da umarnin kama magatakardan majalisar likitoci da suka hada da masu kula da hakori ta Nijeriya, Tajudeen Sanusi.
Afrilu 09, 2021
PDP Na Kokarin Hana Wasu Jiga-Jiganta Komawa APC

Babbar jam’iyyar adawa ta PDP ta kaddamar da wani yunkuri na hana wasu jiga-jiganta, ciki har da gwamnan jihar Zamfara Bello Mohammed Matawalle, komawa jam’iyyar APC mai mulki.
Afrilu 07, 2021
Dalilin Cire Babban Sufeton 'Yan Sanda Mohammed Adamu

Gwamnatin tarayyar Najeriya ta bayyana dalilin cire Babban Sufeto Janar na ‘Yan sanda Mohammed Abubakar Adamu, tare da maye gurbinsa tun kafin karewar wa’adin wata 3 da shugaba Buhari ya kara masa.
Afrilu 06, 2021
Tun Ina 'Yar Shekara 7 Mahaifina Yake Lalata Da Ni - Yarinya 'Yar Shekara 12

Rudunar ‘yan sandan Najeriya ta cafke wani mutum mai shekaru 49, bisa zargin yi wa ‘yar sa mai shekaru 12 da haihuwa fyade.
Afrilu 06, 2021
'Yan Sanda Sun Kashe Gaggan Dan Bindiga A Zamfara

Rundunar ‘yan sandan jihar Zamfara ta ce ta sami nasarar kashe wani shahararren dan bindiga da ya kware a sha’anin satar mutane da sauran ayukan ta’addanci a yankin karamar hukumar mulki ta Maradun.
Afrilu 05, 2021
Mahara Sun Fasa Gidan Yari A Owerri

Wasu mahara dauke da bindigogi da ababen fashewa sun fasa babban gidan yari da shelkwatar 'yan sandan babban birnin Owerri, inda suka saki daruruwan wadanda ke tsare.
Afrilu 05, 2021
Bai Kamata Duk Dan Bindiga Ya Ci Gaba Da Rayuwa Ba - El-Rufai

Gwamnan jihar Kaduna Nasir El-Rufai ya ce ba wani dan bindiga da ya kamata ya ci gaba da rayuwa, kuma wannan ne makomar duk ‘yan ta da kayar baya a jihar.
Afrilu 04, 2021
An Maka Shugaba Buhari A Kotu Saboda Bacewar Naira Biliyan 3.8

Kungiyar nan ta tabbatar da adalci da kare hakkin bil'adama – SERAP, ta kai karar shugaban Najeriya Muhammadu Buhari, bisa zargin kin gudanar da bincike akan kudaden sha’anin kiwon lafiya kusan naira biliyan hudu da ake zargin sun yi batan dabo.
Afrilu 03, 2021
Bidiyon Da Boko Haram Ta Fitar Na Bogi Ne - Rundunar Sojin Saman Najeriya

Rundunar Sojin Saman Najeriya ta musanta ikirarin da kungiyar Boko Haram ta yi, na daukar alhakin kakkabo jirgin saman sojinta na NAF Alpha-Jet.
Afrilu 02, 2021
Ba Gudu Ba Ja Da Baya A Yajin Aikin Da Muka Fara - Likitocin Najeriya

Kungiyar likitocin Najeriya ta sha alwashin ci gaba da yajin aikin har sai baba ta gani, duk kuwa da yarjejeniyar da suka rattabawa hannu da gwamnatin tarayya na janye wa'adin shiga yajin aikin.

XS

SM

MD

LG