Accessibility links

Abu Ne Mai Wahala Soke Tsarin Inshorar Lafiya Ta Obamacare – Awwal Babaliya


Awwal Sani Babaliya

Yan jam’iyyar Republican a Amurka na ta kai ruwa rana don ganin sun soke tsarin inshorar kasar da ake kira Obamacare, amma har yanzu babu alamun nasara.

Soke tsarin kiwon lafiyar Obamacare ba abu ne mai sauki ga ‘yan Majalisun Amurka a cewar kwararre a harkar inshorar lafiya, Awwal Sani Babaliya.

A cewar Awwal ganin yadda Amurkawa masu yawan gaske ke cin moriyar tsarin inshorar Obamacare, hakan yasa ‘yan Majalisun jam’iyyar Republican ke samun cikas kan kudurunsu, da kuma tsoran abin da ka iya fitowa daga mutanen mazabunsu.

Kasancewar zai yi wahala a soke tsarin Obamacare, yasa yanzu haka ‘yan Majalisun suka karkata ga cire wasu sassa na tsarin a da kadan-kadan.

Inshorar Obamacare dai tana taimakawa masu karamin karfin da ba sa iya samun kiwon lafiya. Haka tsarin ya tilastawa duk wani dan Amurka ya sayi inshore, sabanin hakan zai sa a iya cin tarar mutum.

Domin karin bayani saurari hira da kwararre kan harkar inshorar lafiya Awwal Sani Babaliya.

Facebook Forum

XS
SM
MD
LG