WASHINGTON, D.C. - Gwamnan Jihar Florida, Ron DeSantis na jam'iyyar Republican ya lashe zaben wa'adi na biyu, inda ya doke dan takarar jam'iyyar Democrat, Charlie Crist, tsohon dan majalisa. DeSantis ya samu nasara a matsayin tauraron Republican na kasa yayin da yake hangen yiwuwar zuwa Fadar White House a 2024.
Sakamakon tseren na majalisar dattijai zai tantance makomar ajandar Biden kuma zai zama kuri'ar raba gardama kan gwamnatinsa yayin da al'ummar kasar ke fama da hauhawar farashin kayayyaki da kuma damuwa kan alkiblar kasar.
Da alama ikon Republican na majalisar zai iya haifar da wani zagaye na bincike kan Biden da danginsa, yayin da 'yan jam'iyar Republican a Majalisar Dattijai za su hana Biden nadin masu shari'a.
-AP
