Gwamnan jihar Filato Caleb Muftwang ya nada tsohon kyaftin din tawagar Super Eagles ta Najeriya Mikel Obi a matsayin mai ba shi shawara kan sha’anin wasanni.
Wata sanarwa da Darektan yada labarai a fadar gwamnatin Filato Gyang Bere ya fitar ne ta bayyana hakan.
Shi dai Obi a birnin Jos ya girma, kuma ya fara wasan kwallonsa ne a garin inda daga baya ya shahara.
Baya ga rike mukamin kyaftin da ya yi a tawagar Super Eagles ta Najeriya, Obi ya taka leda a kungiyar Chelsea a gasar Premier League ta Ingila.
Ya fara wasanninsa ne tare da Plateau United daga nan ya koma Lyn ta kasar Norway a 2004 inda ya dangana da Chelsea a 2006.
Shekarunsa 11 a Chelsea.
Dandalin Mu Tattauna