Accessibility links

Labari da Dumi-Duminsa

An Sami Wani Yaro Mai Shekaru Biyar Da Kwayar Cutar Ebola A Liberia


Liberia

Jami’an kiwon lafiya a Liberia, sun ce an samu wani yaro mai shekaru biyar da kwayar cutar Ebola, kwanaki kadan bayan mutuwar mahaifyarsa.

Wata mata mai shekaru 30 ta rasu a Monrovia a makon da ya gabata, wato ‘yan wasu watanni bayan da aka ayyana kasar ta Liberia a matsayin wacce ta shawo kan cutar.

Mutuwar matar ta biyo bayan rasuwar wasu mutane hudu a Guinea da ke makwabtaka da kasar ta Liberia.

Mataimakin Ministan kiwon lafiyar Liberia, Tolbert Nyenswah, wanda shi ke kula da fannin yaki da cutar ta Ebola a Liberia, ya ce an sake samu bullar cutar ce daga Guinea da ke makwabtaka da su.

Sai dai ya ce ba kamar a baya ba, yanzu Liberia na da shirin da zai iya dakile bullar cutar a kowane lokaci.

A watan da ya gabata ne Guinea da ke makwabtaka da Liberia ta kara samun sabbin masu kamuwa da cutar, lamarin da ya sa Liberian ta yi maza-maza ta rufe kan iyakarta da kasar, tare da tura kwararru a fannin kiwon lafiya zuwa kan iyakokinta.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG