Accessibility links

Labari da Dumi-Duminsa

Ana Fara Shagulgulan Karamar Sallah A Jamhuriyar Nijar


Hotunan Yadda Shugaban Nijar Mohamed Bazoum Ya Halarci Sallar Idi a birnin Yamai

Yau Laraba al’umomin Jamhuriyar Nijar suka yi karamar sallah biyo bayan sanar da ganin watan Shawwal, wanda ya kawo karshen watan Ramadan.

Da safiyar ranar Labara ne shugaban kasar Nijar, Mohamed Bazum tare da mambobin gwamnatin Farai Minista Uhumudu Mahamadu da shugaban Majalisar Dokokin kasar, Seyni Omar, da kuma sauran shugabannin al’umma suka halarci sallar Idi a masallacin El-Kaddafi da ke birnin Yamai.

Duk da yake an gargadi Musulmai da su guji daukar kananan yara zuwa sallar Idi, amma duk da haka an fito sosai inda yaran suka runtuma fadar shugaban kasa don yi masa barka da sallah, tare da kiyaye matakan kare kai daga kamuwa da cutar coronavirus.

Shugabanni sun yi kira ga al’umomi da su ci gaba a yin addu’o’in neman sauki ga matsalar rashin tsaro da ta addabi kowa, tare da zaman lafiya da kwanciyar hankali.

Kasancewar wasu kalilan ne suke bikin karamar sallah a makwabciyar kasar Najeriya, rahotanni na nuni da cewa mazauna yankunan iyakar kasar Nijar, sun tsallaka Jamhuriyar domin haduwa da sauran Musulmi ‘yan uwa wajen gudanar da bukukuwan karamar sallah.

Da yawa daga cikin manyan kasashen Musulmi a duniya sai gobe Alhamis ake sa ran za su yi karamar sallah, ciki har da Najeriya.

Domin karin bayani saurari rahotan Haruna Mamman Bako.

please wait

No media source currently available

0:00 0:04:10 0:00


Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG