Accessibility links

Labari da Dumi-Duminsa

Babbar Kotun Tarayya Da Ke Abuja Ta Ki Bada Belin Abba Kyari


Abba Kyari

Wata Babbar kotun Tarayya a Abuja taki amincewa da bukatar beli da tsohon kwamandan rundunar Aiki Da cikawa ta IRT, DCP Abba Kyari ya nemi kotun ta bashi.

Lauyoyin Abba kyarin tun farko sun shaidawa kotun cewa, wanda suke karewa yana fama da matsanancin ciwon sugar da kuma hawan jini

Don haka bisa la'akari da wannan su ka nemi kotun ta amince da bukatar neman belinsa.

Sai dai lauyoyin hukumar yaki da fataucin miyagun kwayoyi ta Najeriya wato NDLEA sun yi adawa da bukatar inda suka nuna fargabar wanda ake karar ka iya yin katsalandan da shaidu.

Tun farko dai hukumar ta NDLEA ta nemi kotun data bata damar tsare Abba karin na makonni biyu don zurfafa bincike.

Da yake yanke hukunci akan batun, Mai Shari'a Eyang Ekwo yayi watsi da bukatar belin, maimakon haka ya nemi a rika bashi cikakken kulawa da lafiyarsa a inda ake tsare dashi.

Kotun ta sanya ranar goma sha biyar ga watan maris za a dawo don ci gaba da sauraron shari'ar.

Hukumomin Nijar Sun Fara Kwashe ‘Yan Kasar Masu Bara A Titunan Wasu Kasashe

Karin bayani akan Rahotannin Taskar VOA
XS
SM
MD
LG