Accessibility links

Labari da Dumi-Duminsa

Da Gaske Minista Sadiya Umar Farouq Ta Auri Air Marshal Sadique?


Sadiya Umar Farouq

Yayin da kafafen yada labaran Najeriya ke ci gaba da yada labaran yiwuwar Minista Sadiya Umar Farouq ta auri Air Marshal Sadique, jama'ar gari kuma na ta fassara abin da hankulansu ke nuna masu.

Kafafen yada labarai a Najeriya na ta yamadidin cewa Babban Hafsan Hafsoshin saman kasar, Air Marshall Sadique Abubakar ya angwance da Ministar Harkokin jinkai Sadiya Umar Farouq.

Jaridar Daily Trust ta ce tabbatattun bayanai na nuna cewa Babban Hafsan lalle ya auri Ministar ranar jummu'a 18/09/20, inda aka daura auren a wani masallacin dake unguwar manya wato, Maitama dake Babban Birnin Tarayyar Najeriya, Abuja.

Kodayake Babban Hafsan da kuma Ministar duka ba wanda ya ce kome akan batun.

Babban Hafsan sojojin saman Najeriya Air Marshall Sadique Abubakar
Babban Hafsan sojojin saman Najeriya Air Marshall Sadique Abubakar

Bnciken da wakilinmu yayi a hedikwatar sojojin Najeriya da ma makusantan Ministar dukkanninsu sun ce basu san kome akan wannan labarin ba.

Wakilinmu ya kuma tuntubi wani babban abokin Babban Hafsan wanda ya ce shi ma ya tambayi abokin nasa amma ya ce mai labatin shiririta ne.

Mai sharhi kan al'amuran zamantakewa, Mohammed I. Usman ya ce kodayake babu wani abin mamaki in har wannan aure ya tabbata, to amma ganin Habban Hafsan ya yi watsi da maganar lokacin da abokansa suka tuntubeshi to ai karshen zance kenan.

Komadai menene gaskiyar wannam batu, lokaci ka iya bayyanawa.

Saurari cikakken rahoton Hassan Maina Kaina ta sauti:

please wait

No media source currently available

0:00 0:02:33 0:00


Facebook Forum

XS
SM
MD
LG