Tsohon gwarzon dan wasan kwallon kafa na duniya Diego Maradona na murmurewa cikin sauri bayan tiyatar da aka yi masa a kwakwalwa.
WASHINGTON DC —
Shahararren dan wasan kwallon duniya Maradon ya na nuna alamun murmurewa wuni daya bayan tiyatar kwakwalwa da aka yi masa a Argentina kasarsa ta asali.
Maradona dan shekaru 60, wanda ya jagoranci kasarsa ta lashe gasar cin kofin duniya a Mexico a shekarar 1986, ya bukaci tiyatar ne saboda matsalar zubar da jinni na kwakwalwa da ya fuskanta.
Likitansa Dr. Leopoldo Luque ya ce Diego na samun sauki yadda ya kamata.
An dai kwantar da Maradona ne a karamin asibitin Ipensa a babban birnin Argentina Buenos Aires a ranar Litinin 9 ga watan Nuwamba sakamakon karancin jinni da ruwa a jikinsa.
Tsohon dan wasan na tsakiya na Barcelona da Napoli, zai ci gaba da zama a asibitin da ke babban birnin kasar akalla sa’o’i 48 yayin da ya ke ci gaba da murmurewa.
Facebook Forum