Accessibility links

Labari da Dumi-Duminsa

ECOWAS: Yarjejeniyar Yaki Da Laifukan Fashi, Safarar Mutane a Teku


Masananin tsaron ruwa Abubakar Abdulsalam, ya ce, irin wannan yarjejeniyar aiki tare, ba shakka za ta taimaka wajen shawo kan matsalar tsaron yankin.

Rundunonin sojojin ruwan kasashen yammacin Afirka sun kulla wata yarjejeniyar aiki tare, don kawo karshen sata da safarar gurbataccen mai, da ma sauran miyagun laifuka a ruwan yankunan.

Babban hafsan hafsoshin rundunar sojin ruwan Najeriya, Vice Admiral Ibok Ekwe Ibas, ya ce, wannan yarjejeniyar ta kunshi aiki tare tsakanin dakarun ruwan yankunan kasashen yammacin Afrika, domin kawo karshen matsalar sata da safarar gurbataccen mai a kasashen.

Admiral Ibok, ya kara da cewa, suna sane da irin kazarkazar din miyagun a hankoronsu na tafka danyen aikin, amma ya yi gargadin cewa su ma fa sojojin ruwan a shirye suke wajen tunkarar duk wani takadari da yake son bijirewa, duba da yanzu gungun rundunonin kasashen ne za su dinga daukar matakin bai daya.

Babban hafsan mayakan ruwan Najeriyar ya kuma nanata shirinsu na tabbatar da shawo kan matsalolin fashin teku, safarar mutane da ma sauran laifukan da miyagu ke tafkawa ta cikin ruwa.

Masananin tsaron ruwa Abubakar Abdulsalam, ya ce, irin wannan yarjejeniyar aiki tare, ba shakka za ta taimaka wajen shawo kan matsalar tsaron, musamman duba da yadda a ruwan yankin akwai inda ba mallakin kowace kasa ba ne, inda nan ECOWAS ce ke da iko da shi, don haka shigowa cikin batun da ta yi, zai saukakawa dakarun aikinsu.

Mai magana da yawun rundunar sojojin ruwan Najeriya, Navy Commodore Sulyman Dahun, ya shaidawa muryar Amurka cewa, sabuwar dabarar tsaro da Babban hafsan hafsoshin ruwan Najeriya ya bullo da ita da ake kira CHUCK POINT, inda wasu jiragen yaki na musamman suka tottoshe duk wata kafa da ake bi wajen sata da safarar mai, kuma ya zuwa yanzu suna samun nasara sosai.

Ga Rohoton wakilin muryar Amurka Hassaan Maina Kaina.

please wait

No media source currently available

0:00 0:02:49 0:00

Facebook Forum

Laftanar Janar Farouk Yahaya

Makasan Sheikh Goni Aisami Sun Bata Sunan Sojin Najeriya – Laftanar Janar Farouk Yahaya
please wait

No media source currently available

0:00 0:02:11 0:00
Karin bayani akan Bidiyo

Shin da gaske NNPP ba ta yi wa Shekarau adalci ba?

Karin bayani akan Bidiyo
XS
SM
MD
LG