Accessibility links

Labari da Dumi-Duminsa

Gawarwakin Sojojin Amurka A Yakin Korea Suna Kan Hanya Zuwa Gida


Gawarwakin Sojojin Amurka A Yakin Korea
Gawarwakin Sojojin Amurka A Yakin Korea

An maida gawarwakin sojojin Amurka hamsin da biyar da Korea ta Arewa ta mikawa Amurka makon da ya gabata, zuwa jirgin dakon kaya na ma’aikatar sojin Amurka yau Laraba, a wurin wani buki da aka gudanar a korea ta Kudu kafin a yi jigilarsu zuwa jihar Hawaii a nan Amurka.

Mataimakin shugaban kasa Mike Pence, wanda shi dan wani tsohon sojan yakin Korea ne, zai halarci buki na biyu idan gawarwakin suka iso barikin sojan Amurka dake Hawaii.

A wurin bukin tahowa da gawarwakin da aka gudanar a filin saukar jirage sojoji na Korea ta Arewa, kwamandan dakarun Amurka a yankin Korea, ya yi tsokaci kan muhimmancin dawowa da wadanda suka mutu a fagen daga da kuma fursinonin yaki.

Yace ga jarumi, wannan wani aiki ne da ya dace kuma alkawari ne da yake dauka kafin ya je fagen daga kana hakan na ci gaba daga wani karnin jarumai zuwa wani karnin. Yace ga mahalartan, wannan wata tunatarwa ce mai muhimmanci cewa ayyukan mu ba zasu kammalu ba har sai mun gano su duka, koda kuwa zai dauki tsawon lokaci.

Korea ta Arewa bata bada wani karin bayani da zai taimaka wurin gano daidaikun gawarwakin ba da ake dawowa dasu zuwa Amurka, a cewar wani jami’in tsaron Amurka a hirarsa da Muryar Amurka.

Facebook Forum

XS
SM
MD
LG