Accessibility links

Labari da Dumi-Duminsa

Hukumar CAF Ta Yi Fatan Alheri Ga Najeriya, Morocco, Tanzania Da Za Su Wakilci Afrika A Gasar Kofin Duniya Ta Mata


Women's U17 World Cup

Kasashen Najeriya, Morocco da Tanzania sun yi nasarar samun gurbin wakiltan Afrika a gasar cin kopin duniya na ‘yan mata kasa da shekaru 17 da za a yi a kasar India a cikin watan Oktoba.

Kasashen hudu da suka yi nasarar samun gurbin akwai sababbi biyu a ciki da suka hada da Morocco da Tanzania wadanda suka yi nasarar doke manyan kasashe a wannan gasa da suka hada da Ghana da Kamaru a zagayen kwaf-daya ko knockout a Afrika a wannan mako.

Hukumar CAF ta jinjina wa kasashen, Najeriya da Morocco da kuma Tanzania kana suka musu fatan alheri a India.

Nigeria U17 Women's team
Nigeria U17 Women's team

Za a fara wasannin cin kofin duniya na ‘yan mata kasa da shekaru 17 ne a ranar 11 zuwa 30 ga watan Oktoban 2022 a Inida. Sai dai babu wata kasar Afrika da ta taba nasarar lashe wannan kofin.

Wannan ne karon farko da Morocco da Tanzania za su shiga wannan gasar daga yankunan Arewaci da Gabashin Afrika zuwa gasar ‘yan ta duniya.

Najeriya dai za ta sake komawa gasar ne bayan ta bayyana sau shida a gasar ta duniya inda ta gaza bayyana a gasar da aka yi a kasar Uruguay a shekarar 2018.

Morocco U17 Team
Morocco U17 Team

‘Yar wasan Tanzania Clara Luvanga itace tafi yawan zura kwallaye da kwallo 10 a matsakin neman gurbi, lokacin da aka yi wasanni 30 kuma aka zura kwallaye 107

Za a yi gasar ta India ne tsakanin kasashe 16 da za a karkasa su gida hudu.

Za a buga wasannin ne a filaye uku cikin garuruwa daban-daban, da suka hada da filin wasan Kalinga a Bhubaneswar, filin Pandit Jawaharlal Nehru in Margao da kuma filin DY Patil a Navi Mumbai.

Tanzania U7 Women's team
Tanzania U7 Women's team

A ranar 24 ga wannan watan Yuni ne hukumar FIFA zata gudanar da taron karkasa kasashen da zasu shiga gasar cin kopin duniya ta ‘yan mata kasa da shekaru 17, a helkwatanta a Zurich.

Dubi ra’ayoyi

Ronaldo vs. Messi

Ronaldo vs. Messi
please wait
Embed

No media source currently available

0:00 0:01:24 0:00
Satumba 30, 2020

Ronaldo vs. Messi

Karin bayani akan Wasanni
XS
SM
MD
LG