Accessibility links

Labari da Dumi-Duminsa

Hukumar NCFRMI Ta Samar Ma 'Yan Gudun Hijira Dake Adamawa Kayan Agaji


Wasu cikin kayan da hukumar NCFRMI ta rabawa 'yan gudun hijira dake Adamawa

Rikicin 'yan Boko Haram ya yi sanadiyar haifar da dubban 'yan gudun hijira a jihar Adamawa wadanda hukumar dake kula dasu ta kaima tallafin kayan koyon sana'o'i da karantar da yara a makarantarsu da sojoji ke kula da ita

Hukumar kula da yan gudun hijiran ta Najeriya ta samar da kayakin karatu ne da kuma injunan nika ga yan gudun hijiran da bala'in rikicin Boko Haram ya raba da muhallansu,da yanzu haka ke sansanonin da aka tanadar na Malkohi, da Damare da kuma Fufore a jihar Adamawa.

Da take jawabi wajen raba kayakin, shugabar hukumar ta NCFRMI,Hajiya Sadiya Umar Faruq,wadda daraktan kula da yan gudun hijira Lawal Hamidu ya wakilta,tace manufar tallafin shine sake tada komadar ‘yan gudun hijiran ta hanyar basu abun koyon sana’a tare da kula da ilimin ‘ya’yansu.

Shima a jawabinsa jami’in kula da sashin karantarwa na rundunan soji ta 23 dake Yola,wanda yake kula da karantar da yan gudun hijiran,Kaftin Danjumi ya yaba da tallafin da hukumar yan gudun hijiran ta samar tare da yin kira ga sauran kungiyoyi da hukumomi da suma su tallafa.

‘’ Wannan tallafi ne dake da muhimmanci ga wadannan ‘yan gudun hijira,kuma mu a namu bangare zamu ci gaba da bada gudummawa wajen karantar da wadannan yara,don suma su sami ilimi a matsayinsu na manyan gobe,’’ a cewar jami’in sojin.

Tun farko a jawabinsa,babban sakataren hukumar bada agajin gaggawa ta jihar Adamawa, ADSEMA, Alhaji Haruna Hamman Furo,ya ce kullum a shirye suke su bada nasu hadin kai wajen ganin an tallafawa wadannan yan gudun hijiran,kana ya bayyana kokarin da gwamnatin jihar keyi a yanzu.

A saurari rahoton Ibrahim Abdulaziz

please wait

No media source currently available

0:00 0:03:19 0:00

Facebook Forum

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG