Accessibility links

Labari da Dumi-Duminsa

Majalisar Dattawa Ta Ki Amincewa Da Lauretta Onochie A Matsayin Kwamishiniyar Hukumar Zabe


Lauretta Onochie

Majalisar dattawan Najeriya ta yi watsi da nadin mai taimakawa shugaba Buhari, Lauretta Onochie, a matsayin kwamishiniyar hukumar zabe ta INEC.

Wannan lamari dai na zuwa ne bayan korafe-korafe daga wasu ‘yan Najeriya da suka hada da ‘yan jam’iyyun adawa da kungiyoyin fararren hula kan nadin na Lauretta Onochie a matsayin kwamishiniyar hukumar INEC.

A can baya da Lauretta Onochie ta yi ikirarin ita mamba ce a jam’iyyar APC mai mulkin kasar kamar yadda wakiliyarmu a majalisar tarayyar Najeriya ta tabbatar, duk da yake daga baya an ruwaito ta tana cewa ta janye daga zama 'yar jam'iyyar.

A tanadin doka dai, ana bukatar duk wanda zai rike mukamin kwamishina a hukumar zabe ta INEC ya kasance wanda bai da siyasar bangaranci ko jam'iyya.

A halin yanzu, ana kan jiran sanarwar matakin da majalisar dattawan ta dauka a hukumance bayan tashi a zaman su na yau.

Karin bayani akan: INEC, APC, Shugaba Muhammadu Buhari, Nigeria, da Najeriya.

Idan ana iya tunawa dai a makwannin baya-bayan na ne shugaban Najeriya Muhammadu Buhari ya aikewa majalisar dattawan kasar wasikar neman ta tabbatar da nadin Lauretta Onochie, wacce a halin yanzu ta na daga cikin masu taimaka masa kan harkokin yada labarai, a matsayin kwamishiniya a hukumar zaben, tare da wasu mutane 3.

A yayin kare kanta kan korafe-korafen da aka shigar a kan ta na ita yar siyasa ce a lokacin aikin tantance ta a gaban kwamitin majalisar tarayya a ranar Alhamis, Lauretta Onochie ta jadada cewa ba ta cikin wata jam’iyyar siyasa kuma ba ta marawa wata jam’iyyar baya.

Ta kara da cewa ana korafi a kan ta ne saboda yadda ta ke tabbatar da cewa mutane su rika bin doka da ka'ida a duk inda su ke aiki.

Haka kuma Lauretta Onochie ta bayyana cewa, tun bayan lashe zaben da Shugaba Muhammadu Buhari ya yi a shekarar 2019 ta tsame hannun ta daga duk abubuwan da suka shafi siyasa, haka kuma ba ta shiga aikin sabunta matsayin mamba ba a jam’iyyar APC da ta ke a cab baya.

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne

Dalilin Da Ya Sa Nake Sana’ar Sayar Da Shayi Duk Da Cewa Ni Kansila Ne - Dayyabu Lawal Bala
please wait

No media source currently available

0:00 0:03:52 0:00
Karin bayani akan Rahotannin Taskar VOA

Bikin Lasar Gishiri

Yadda Aka Yi Bikin Lasar Gishiri A Jamhuriyar Nijar
please wait

No media source currently available

0:00 0:03:32 0:00
Karin bayani akan Rahotannin Taskar VOA
XS
SM
MD
LG