Accessibility links

Labari da Dumi-Duminsa

Malaman Addini Sun Nemi Sasantawa Tsakanin Gwamnati Da Malaman Jami'o'i


Kungiyar ASUU

Kungiyar malaman Jami’o’I a Najeriya wato ASUU na dakon gwamnatin tarayya ta fitar da sakamakon gwajin tabbatar da sahihancin sabuwar manhajar da kungiyar ta samar wadda jami’o’in zasu rinka amfani da ita wajen sarrafa kudaden gudanar da ayyukan su.

Hakan na zuwa ne a daidai lokacin da malaman addini ke bukaci bangarorin biyu su sasanta da juna domin dalibai su koma makaranta.

Batun sanya malaman Jami’o’I akan manhajar IPPIS ta biyan ma’aikata albashi na bai daya da gwamnati ta samar na daga jerin bukatun ‘yayan kungiyar ta ASUU da suka haifar da tankiya tsakanin gwamnati da kungiyar.

Malaman Jami’ar dai na da’awar cewa, manhajar ta gwamnati ta saba da yanayin tafikar da ayyukan Jami’a, don haka suka ki amincewa da ita. To amma amadadinta sun kirkiro wata sabuwa mai lakabin UTAS da suka cE zata tabbatar da tsantseni da kasawa a fefe kan yadda shugabannin Jami’o’in Najeriya ke sarrafa kudaden da suke samu.

Farfesa Mahmud Lawan shine shugaban kungiyar ta ASUU mai kula da shiyyar arewa maso yammacin Najeriya. Ya kara da cewa a wata zama da suka yi da wakilan gwamnatin, sun amince da manhajar kana suka ce za a gudanar da gwajin inganci akai, a dan haka malaman jami’ar na jiran mataki na gaba da hukumomin zasu dauka.

Baya ga manhajar sarrafa kudaden Jami’a, batun samar da isassun kudaden aiki ga jami’o’in da kayayyakin aikin da suka dace da zamani da kula da walwalar Malaman na cikin dalilan yajin aikin da ‘yan kungiyar ta ASUU keyi tsawan watanni 8, lamarin daya sanya dalibai suka fara kokawa.

Baya ga dalibai, suma malaman addini sun shiga Tsakani ta hanyar kira ga bangarorin biyu suyi sulhu da juna.

A yayin taron masu ruwa da tsaki da al’umar garin wadda reshen Jami’ar Bayero na kungiyar ta ASUU ya shirya a karshen mako, Sheikh Abdulwahab Abdallah guda cikin mashahuran Malaman musulinci a Najeriya ya roki gwamnati da Malaman Jami’ar su kawo karshen wannan takaddama saboda illarta ga makomar rayuwar matasa.

Daga Kano ga rahotan Mahmud Ibrahim Kwari:

please wait

No media source currently available

0:00 0:03:10 0:00

Facebook Forum

Zauren VOA Hausa #EndSARS

Zauren VOA Hausa #EndSARS Kashi na Biyu 03
please wait

No media source currently available

0:00 0:18:31 0:00
Karin bayani akan #ENDSARS: Zanga Zangar Kyamar Gallazawa Al’umma Da Yan Sanda Ke Yi

Rayuwar Birni

Hira da Yusuf, wani dan asalin Jamhuriyar Nijar da ya shekara a Abuja yana sana’r gyaran takalmi
please wait

No media source currently available

0:00 0:02:39 0:00
XS
SM
MD
LG