Sai dai kamar yadda shafin Sky Sports ya ruwaito, shugaban kungiyar ta Barcelona Joan Laporta, ya ce yana da kwarin gwiwa Messi zai sabunta kwangilarsa da kungiyar.
“Muna so ya zauna, kuma Leo na son zama, komai na tafiya daidai.” In ji Laporta.
Euro miliyan 500 Barcelona ta biya Messi kan kwantiragin shekara hudu, wanda ya kare a ranar daya ga watan Yuli.
Messi dan shekara 34, ya kwashe daukacin rayuwarsa ta kwallo ne a kungiyar ta Barcelona.
Ko da yake, ya yi yunkurin kungiyar a kakar wasa ta shekarar 2019-20, bayan da ya nuna cewa ba ya jin dadin inda kungiyar ta dosa.
Amma daga baya an ga ya ci gaba da zama.
Akwai manyan kungiyoyi da suka nuna sha’awar sayen dan wasan, amma rahotanni na cewa wakilansa da hukumomin kungiyar ta Barcelona suna kan tattaunawa kan wani sabon kwantiragi.
