Accessibility links

Labari da Dumi-Duminsa

Mutane 14 Suka Mutu A Hadarin Jirgin Associated Airlines


Wani dan sanda a kusa da inda jirgi ya fadi
Wani dan sanda a kusa da inda jirgi ya fadi

Ministar harkokin sufurin jiragen sama ta Najeriya Stella Uduah ta tabbatar da mutuwar mutane 14 a hadarin jirgin saman Associated Airlines mai lamba SCD 361.

Ministar harkokin sufurin jiragen sama ta Najeriya Stella Uduah ta tabbatar da mutuwar mutane 14 a hadarin jirgin saman Associated Airlines mai lamba SCD 361. Ministar ta bayyana cewa, jami’an aikin ceton gaggawa da ma’aikatar kashe gobara da kuma jami’an tsaro sun isa wurin nan da nan inda suka iya gano wadansu gagarwaki yayinda aka dauki wadanda suka ji raunuka zuwa asibiti.

Jirgin ya game da hatsari ne yana kokarin tashi a tashar jirgin sama ta Murtala dake birnin Ikko da misalin karfe tara da rabi na safe dauke da fasinjoji da ma’aikata 20.
Fasinjojin dake cikin jirgin sun hada da: Feyi Agagu, Femi Akinsanya, Akintunde Joseph, Akeem Akintunde, Tunji Okusanya, Chijioke Duru, Kingsley Amaechi, Deji Afolabi, Mrs. E.O. Alabi, Daji Bernard, Deji Falae, Samson Hassan da kuma Olatunji Okusanya.

Akwai kuma ma’aikatan jirgi guda bakwai da suka hada da : Capt. Yakubu, Oyinlola, Engr. Saroh Elaiye, Ibrahim, Mr. Felix Tatoye, Owolabi, Samson.

Wakilin Sashen Hausa Ladan Ibrahim Ayawa yaje tashar jirgin saman inda ya dauko mana karin bayani.

please wait

No media source currently available

0:00 0:02:44 0:00
Shiga Kai Tsaye
  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

XS
SM
MD
LG