ABUJA, NIGERIA —
Shugaban wanda ya shiga Sokoto da duba kamfanin siminti na BUA, ya so ya zarce Zamfara da jirgi mai saukar angulu amma rashin kyawun yanayi ya sa ya janye.
Bayan dawowar sa Abuja, shugaban Muhammadu Buhari ya yi jawabi a faifan sako na bidiyo da na radiyo inda ya bayyana uzurin da ya sa bai shiga Zamfara ba, ya na mai cewa nan gaba in ya samu lokaci zai kai ziyarar.
Shugaban ya godewa gwamnan Zamfara Bello Matawallen Maradun da yanda ya shirya tarba amma hakan bai tafi yanda a ke so ba don yanayi.
A baya dai an sha gorantawa shugaba Buhari kan rashin ziyartar Sokoto da Zamfara da ‘yan bindiga kan ci Karensu ba babbaka.
