Shugaban Amurka Barack Obama tare da mai dakinsa sunyi shagulgulan bukin Krismeti a Jihar Hawai’i, inda aka haifi Mr. Obama, inda ma sukayi kira ga Amurkawa akan su dinga tunawa da sojojin kasar, da kuma mazan jiya.
Michelle Obama ta bi sawun maigidan nata tana cewa iyalai da yawa sun samu damar yin bukukuwan Krismeti ne saboda sojojin Amurka sunyi sallama da iyalansu kuma sun sadakar da rayukansu domin yiwa kasarsu bauta.
Mr. Obama ya bayyana cewa ganin yadda Amurka ta kawo karshen yakin da take yi a Afghanistan, to yanzu ne lokacin da ya dace a nazarci irin gudunmawar da sojojin Amurka da iyalansu suka baiwa kasar.
