Accessibility links

Labari da Dumi-Duminsa

Shugaban Kasa Buhari Ya Halarci Taron Cop-15 A Abidjan


Shugaba Buhari (Instagram/Muhammadu Buhari)

Shugaban Najeriya Muhammadu Buhari ya yi bulaguro zuwa birnin Abidjan a Cote d'Ivoire domin halartar taron da Majalisar dinkin duniya da ta shirya dangane da kwararowar hamada.

Shugaba Buhari, wanda zai halarci taron shugabannin kasashe da gwamnatoci, daga 9 ga watan Mayu zuwa 10 ga Mayu, 2022, tare da shugabannin kasashen duniya don halartar taro na 15 (COP15) na Majalisar Dinkin Duniya ko kuma Convention to Combat Desertification (UNCCD) da ke taken “, 'Ƙasa. Rayuwa: Daga karanci zuwa wadata. " a cewar Kakakin Shugaba Buhari Malam Garba Shehu cikin wata sanarwa da ya fitar a ranar Lahadi.

A taron da za a gudanar daga 9 ga watan Mayu zuwa 10 ga Mayu, 2022, za a dauki matakai don tabbatar da cewa kasa, hanyar rayuwa a doron kasa, ta ci gaba da cin moriyar al'ummomin yanzu da na gaba.

COP 15 wani muhimmin lokaci ne a yakin da ake yi da kwararowar hamada, lalacewar kasa da fari. A kan haka, za ta ci gaba da yin nazari kan sakamakon taron na biyu da kuma bayar da cikakken martani ga kalubalen da ke da nasaba da gurbacewar kasa, da sauyin yanayi da asarar rayayyun halittu.

Fari, maido da filaye, da kuma abubuwan da suka dangance su kamar hakkin ƙasa, daidaiton jinsi da ƙarfafa matasa na cikin manyan abubuwan da ke cikin ajandar taron.

Hukumomin Nijar Sun Fara Kwashe ‘Yan Kasar Masu Bara A Titunan Wasu Kasashe

Karin bayani akan Rahotannin Taskar VOA
XS
SM
MD
LG