Accessibility links

Labari da Dumi-Duminsa

Trump Na Shirin Sanya Hannu A Kan Shirin Ciniki Da Mexico Yayin Da Ake Ci Gaba Da Tattaunawa Da Canada


Shugaba Trump
Shugaba Trump

Shugaban Amurka Donald Trump ya sanar da majalisun kasar a jiya Juma’a aniyarsa na sanya hannu a kan yarjejeniyar kasuwanci da Mexico tsakanin kwanaki 90, bayan kammala tattaunawa da Canada ba tare da cimma wata fahimta a kan ci gaba da shirin cinikayya na kasashen arewacin Amurka wato NAFTA.

Wakilin Amurka a wurin tattaunawar cinikayyar, Robert Lightizer, yace tattaunawar Amurka da Canada zata ci gaba a ranar Laraba kuma yace akwai yiwuwar Canada zata karu a cikin shirin cinikin kasashen Arewacin Amurka da shugaban kasa zai sanya hannu akai a cikin watan Nuwamba.

Mai wakiltan Canada a wurin tattaunawar, ministan harkokin wajen kasar, Chrystia Freeland, ta bayyana kwarin gwiwarta cewa kasashen zasu cimma daidaito da zai amfani bangarorin guda biyu.

Freeland ta fadawa manema labarai cewa akwai yiwuwar cimma yarjejeniya mai amfani ga kowane bangare, bayan tattaunawarsu da Lightizer a nan Washington.

Sai dai hira da sashen labaran telbijin Bloomberg ya yi da shugaba Trump ta dauke hankali fiye da tattaunawar cinikayya tsakanin Canada da Amurka din.

Facebook Forum

XS
SM
MD
LG