Accessibility links

Labari da Dumi-Duminsa

Wasu Masu Kada Kuri'a a Nijer Sun Yi Watsi Da Matakan Kariyar COVID-19


Tun da karfe 8 na safiyar yau Lahadi 27 ga watan Disamba ne aka bude yawancin rumfunan zabe a jamhuriyar Nijer don zaben shugaban kasa da na ‘yan majalisu, yayin da masu kada kuri’a suka yi dafifi don zuwa kada kuri’unsu.

A birnin Yamai, Dosso, da Tillaberi rahotanni sun bayyana cewa komai na tafiya daidai kuma an baza jami’an tsaro a ko’ina don tabbatar da doka da oda a wuraren zaben.

A birnin Damagaram ma haka zancen ya ke, kusan a lokaci guda aka bude rumfunan zabe kuma komai na tafiya daidai. Yankin Diffa, da ya dade ya na fama da tashin hankalin ‘yan ta’adda, an samu rahoton jin harbe-harbe a daren ranar Asabar 26 ga watan Disamba.

A garin Bilma da ke yankin Agadez, mutane da yawa sun fito zaben musamman mata, haka kuma a jihar Maradi.

Shugaban hukumar zaben Birni N’Konni, ya ce an tura jami’an tsaro a yankin Bazazzaga da aka ce an ga wasu mutane akan babura suna zagaye-zagaye lamarin da ya kawo fargaba a tsakanin al’uma, a wata mazabar sabon gari da ke yankin kuma an kama wasu mutane da tarin katunan zabe.

Ana gudanar da babban zaben ne dai a daidai lokacin da ake fama da annobar cutar COVID-19 da ta kama mutane 3,057 a kasar da ke yammacin nahiyar Afrika. Rahotanni da ke fitowa daga wasu rumfunan zaben kasar sun bayyana cewa wasu masu kada kuri’a ba sa kiyaye matakan da aka sanya na kariya daga cutar kamar amfani da takunkumin rufe hanci da baki da kuma yin nesa-nesa da juna.

Sauyin yanayi : Yankin Sahel na Afrika

Yadda Sauyin Yanayi Ke Rura Wutar Rikici A Yankin Sahel
please wait

No media source currently available

0:00 0:12:44 0:00
Karin bayani akan Rahotannin Taskar VOA

Nijar, Fulani, Wodaabe

Yadda Funalin Wodaabe Suka Gudanar Da Gasar Nuna Kyau A Nijar
please wait

No media source currently available

0:00 0:02:22 0:00
Karin bayani akan Rahotannin Taskar VOA

Gobara A Jihar New York

An Yi Jana'izar Mutane 15 Da Suka Mutu A Gobara A Jihar New York
please wait

No media source currently available

0:00 0:03:00 0:00
Karin bayani akan Bidiyo
XS
SM
MD
LG